APNABI Lan, APNABI Autismo Bizkaiaren arlo soziolaboralak, zainketetan zentratutako irisgarritasun unibertsalari buruzko prestakuntza teoriko-praktikoa hasiko du azaroan. Proposamen honen bidez, autismoa edota adimen-desgaitasuna duten pertsona parte-hartzaileak gaitu nahi dituzte, arlo horretan gaitasun profesionalak eskura ditzaten.
Prestakuntza honek 288 ordu teoriko-praktiko ditu. Egun hauetan, pertsonen parte hartzeko interesa biltzen ari da taldea osatzeko, 15 pertsona izango dira. Saioak azaroaren amaieran hasiko dira eta martxoaren 31n amaituko dira.
Ikastaro honen alderdi praktikoa inguru hurbileko espazioak balioztatuz egingo da, batez ere adinekoen egoitza-instalazioak. Parte-hartzaileek zentro horien irisgarritasuna hobetzeko proposamenak aztertu eta landuko dituzte. Horrela, beren esperientzia bultzatzeaz gain, neurriak ezartzeko helburua bilatuko du eta, modu horretan, egoiliarren autonomia hobetzeko.
Ekimen hau Bizkaiko Foru Aldundiko Enplegua, Gizarte Kohesioa eta Berdintasuna Sustatzeko Sailaren laguntzari esker egin ahal izan du APNABI Lanek. Izan ere, diru-laguntza jaso du ekintzailetza eta kalitateko enplegu egonkorreko proiektu berritzaileak garatzeko.