APNABIk ekainaren 28an Berangon egingo den kirol proposamen inklusibo berri bat ezagutzera animatzen ditu autistak. 2026ko Saskibaloi Egokituaren Topaketa da, saskibaloi egokitua sustatzeko eta Uribe Kostako eskualdean kirol inklusiboa ikusarazteko antolatutako jardunaldia.
Ekimena Berangoko Hontzuriak elkarteak bultzatzen du eta saskibaloiaren bidez ikasteko eta dibertitzeko goiz bat proposatzen du. Jardunaldian zehar, parte-hartzaileek zuzendutako entrenamendu-saio batez gozatu ahal izango dute, tiro-lehiaketa batean parte hartzeaz eta esperientziak partekatzeaz gain, ingurune irisgarri eta ireki batean, interesa duten pertsona guztientzat.
Jarduera 14 urtetik gorako pertsonei zuzenduta dago, baldin eta testuinguru inklusibo batean hasi nahi badute kirol honetan. Topaketa Berangoko Kirolgunean izango da, 10:00etatik 13:00etara. Bertaratzen direnek kamiseta beltz bat eta koloretako beste bat eraman beharko dituzte.
Nola parte hartu
GARRANTZITSUA: Jarduera hau Berangoko Hontzuriak elkarteak antolatu du. APNABIk informazioa zabaltzen laguntzen du, baina jarduera antolatzea eta kudeatzea erakunde antolatzaileari dagokio oso-osorik.
Parte hartzeko, aldez aurretik izena eman behar da.
Informazio gehiago lortzeko edo izena emateko, interesdunek APNABIko aisialdi eta denbora libreko taldearekin harremanetan jarri beharko dute, aisialdia@apnabi.eus helbidera idatziz edo 94 447 14 17 telefonora deituz, astelehenetik ostiralera 9: 00etatik 16:00etara. APNABIk interesdunen datuak emango dizkio klubari, eskaera eta jarduerarekin zerikusia duten gainerako gaiak kudea ditzan.
Izena emateko epea ekainaren 25ean (osteguna) amaituko da.