APNABI Autismo Bizkaiak zazpi urte bete dituen bere argazki lehiaketaren edizio berri bat kaleratu du, uda hastearekin batera. Oraingo honetan, lehiaketa proposamen sortzaile berri batekin dator, “APNABI munduan” gaia izango duena. Aukeratutako 12 irudiek APNABI 2026 egutegia ilustratuko dute.
Helburua da APNABIren logoa modu originalean egunerokotasunean, munduko edozein lekutan, hurbilekoan edo urrunekoan, presente eta integratuta duten irudiak biltzea: kamiseta batean, poltsa batean, katilu batean, txapel batean, koaderno batean edo beste edozein euskarritan. Horrela, APNABIren presentzia egoitzatik eta ikastetxeetatik haratago islatu nahi da, elkarteak xehetasun txikietan ere nola laguntzen digun erakutsiz.
Urtero bezala, APNABI komunitatea osatzen duten pertsona guztiek parte hartu ahal izango dute: autismoa duten pertsonek, familiek, lagunek, profesionalek, bai eta erakundeari lotutako zentro eta/edo pertsonek ere, parte-hartzailearen adina edozein dela ere.
Parte-hartzaile bakoitzak horizontalean ateratako 3 argazki bidali ahal izango ditu gehienez -bertikalak lehiaketatik kanpo geratuko dira-. Zabalkundeaz gain, irabazleek APNABI Lan-en tailer grafikoko produktuengatik trukatzeko bonu bat eta egutegiaren hainbat ale jasoko dituzte sari gisa.
Nola parte hartu
Parte-hartzea doakoa da. Argazkiak jpg formatuan bidali beharko dira komunikazioa@apnabi.org helbide elektronikora, gaian “2025 lehiaketa” adieraziz. Lehiaketaren epea 2025eko urriaren 5ean, igandea, amaituko da. Mezuaren gorputzean egilearen izen-abizenak eta irudiaren izenburua jaso beharko dira.
> Lehiaketaren oinarri osoak esteka honen bidez kontsultatu eta deskargatu daitezke.