Koronabirusak eragindako alarma-egoeragatik geldialdia egin ondoren, datorren astelehenean, maiatzak 11, APNABI Autismo Bizkaiak arreta goiztiarreko eta klinikoko zerbitzua berraktibatuko du. Arloko taldeak telematikoki eta aurrez aurre artatuko ditu AEN duten pertsonak eta haien familiak; bi kasuetan, aldez aurretik hitzordua eskatuta eta segurtasun-neurri garrantzitsuei jarraituta; izan ere, APNABIk hainbat doikuntza egin ditu azken egunotan, eta hainbat neurri hartu ditu jarduera berriz hastean pertsona guztien segurtasuna bermatzeko.
Maiatzaren 11tik aurrera (astelehena), 94 475 57 04 eta 651 832 157 telefonoetan aipatutako zerbitzuetako talde profesionalarekin harremanetan jarri ahal izango dira familiak, baita cconsulta@apnabi.org helbide elektronikora idatzita ere.