APNABI Autismo Bizkaiak lehen sorospenei buruzko oinarrizko prestakuntza eman du erakundeko bazkide diren familientzat, arrisku- edo larrialdi-egoeretan segurtasun handiagoz jardun ahal izateko ezagutza eta tresna praktikoak eskaintzeko.
Egitasmoa 2026ko maiatzaren 27an eta 30ean egin zen, eta hogei bat pertsonak parte hartu zuten, batez ere etxean zein eguneroko beste ingurune batzuetan gerta daitezkeen gorabeherei aurre egiteko oinarrizko gaitasunak eskuratzeko interesa zuten autisten gurasoek.
Prestakuntza-ekintza horren bidez, familiek larrialdi-egoeretan jarduteko funtsezko jarraibideak ezagutu ahal izan dituzte, zerbitzu espezializatuak iristen diren bitartean edo osasun-arreta profesionala jasotzen den bitartean azkar, eraginkortasunez eta segurtasunez nola erantzun ikasiz
Konfiantza eta erantzuteko gaitasuna
Lehen sorospenetako prestakuntza tresna baliagarria da familien konfiantza areagotzeko eta kezka edo ziurgabetasuna sor dezaketen ustekabeko egoeren aurrean erantzuteko gaitasuna hobetzeko.
Jarduera erakundeak familiei autismoari lotutako laguntza espezifikoetatik haratago laguntzeko duen konpromisoaren barruan kokatzen da, eguneroko bizitzako behar praktikoei erantzungo dieten ikaskuntza- eta trebakuntza-espazioak ere sustatuz.
Horrelako egitasmoekin, erakundeak autisten eta haien familien bizi-kalitatea hobetzeko ekintzak bultzatzen jarraitzen du, eguneroko erronkei lasaitasun eta prestakuntza handiagoz aurre egiten lagunduko duten baliabideak eskainiz.