APNABI Autismo Bizkaiak, Bizkaiko Kirol Egokituaren Federazioaren bitartez, Bizkaiko Surf Federazioak eta Erauntsi Surf Eskolak antolatzen dituen surf egokituko ikastaroen edizio berriaren berri ematen du. Maiatzean eta ekainean egingo dira, La Arena hondartzan, Zierbena eta Muskiz artean. Ekimena 8 eta 21 urte bitarteko desgaitasuna duten pertsonei zuzenduta dago.
Bizkaiko eskola-kirolari buruzko araudiaren arabera, plazak 21 urtetik gorako pertsonetara ere zabaldu ahal izango dira, aurreikusitako talde guztiak osatzen ez badira. Plaza erabilgarriak mugatuak dira eta berrespena jaso beharko da.
Proposamenak lau ikastaro biltzen ditu, bakoitza bi ordu inguruko hiru saioz osatua, eta asteburuetan egingo dira. Taldeak txikiak izango dira, 6 eta 7 parte-hartzaile artekoak, eta pertsona bakoitzaren gaitasun eta beharretara egokituko dira.
A taldea – Maiatzeko larunbatak: maiatzaren 16, 23 eta 30ean, 13:00etatik 15:00etara.
B taldea – Maiatzeko igandeak: maiatzak 17, 24 eta 31, 13:00etatik 15:00etara.
C taldea – Ekaineko larunbatak: ekainaren 13, 20 eta 27an, 12:30etik 14:30era.
D taldea – Ekaineko igandeak: ekainaren 14, 21 eta 28an, 12:30etik 14:30era.
Ikastaroak doakoak dira, baina arrazoi justifikaturik gabe izena eman eta betetzen ez dutenek 50 euroko zigorra izango dute.
Erakundeak laguntza-langileak eta jarduera behar bezala garatzeko behar den material guztia jarriko ditu. Parte hartzeko, hondartzarako bainujantzia, toalla eta txankletak edo oinetako egokiak bakarrik eraman beharko dira, gainerako ekipamendua antolatzaileek emango baitute.
Nola parte hartu
GARRANTZITSUA: Jarduera hau Bizkaiko Surf Federazioak eta Erauntsi Surf Eskolak antolatzen dute. APNABIk informazioa zabaltzen laguntzen du, baina ekitaldia antolatzea federazio horri dagokio oso-osorik.
Informazio gehiago lortu edo izena emateko, interesdunek APNABIko aisialdi eta denbora libreko taldearekin harremanetan jarri beharko dute, aisialdia@apnabi.eus helbidera idatziz edo 94 447 14 17 telefonora deituz, astelehenetik ostiralera 9: 00etatik 16:00etara. APNABIk interesdunen datuak emango dizkio federazioari, eskaera kudea dezan eta jarduerarekin zerikusia duten gainerako gaiak azal ditzan.