Abuztuko lehen hamabostaldian, APNABI Autismo Bizkaia elkarteko hamar bat bazkidek bat egin zuten Derioko Zentroko baratzea mantentzeko lanekin. Egitasmoari esker, udan instalazioak prest mantendu ahal izan ziren eta parte-hartzaileek beraiek etxera eraman zituzten produktuak bildu ahal izan zituzten.
Asebetetze-inkestan jasotako datuek jardueraren arrakasta islatzen dute, eta balorazio orokorra bikaina izan da. Aho batez, parte-hartzaile guztiak hurrengo edizioetan errepikatzeko prest agertu ziren.
Elkarbizitza-giroa izan zen beste puntu nabarmenetako bat; izan ere, familiei bikaina iruditu zitzaien sortutako giroa eta talde-lana. Halaber, ordutegi-malgutasunak, zereginen esleipenak eta eskura zeuden tresnek balorazio positiboa lortu zuten inkestatutako pertsona guztien aldetik.
Esperientzia horren ondoren, familiek interes handia erakutsi dute proiektuari jarraipena emateko.