Egoiliarrak eta APNABI Autismo Bizkaia enpresako Mendialdeko etxebizitzako talde profesionala ospakizun-egun hauetan daude. 2011ko uztailaren 6an ireki zituen ateak etxeak Santurtzin, autismoaren espektroan nahasmendua duten adingabe talde bat hartzeko, eta aste honetan ospatu du bere lehen hamarkada. Gaur, 5 adingabe daude etxean, eta 6 lagunek osatzen dute taldea.
Neska-mutilek eta talde profesionalak bazkaldu eta arratsalde batez gozatu nahi izan dute bolatokian. Gainera, adin txikikoen taldeak kartel handi bat prestatu du ospakizuna APNABI familiarekin partekatzeko.
Ikaskuntza-urteak
Pili Aparicio etxeko koordinatzaileak gogoeta egin du efemeridearen inguruan: “Uztailaren 6 hartan ilusioz beteriko proiektu bat hasi genuen, eta begi itxi-ireki batean 10 urte bete ditugu.” Nabarmendu du talde horretako kide batzuek bertan jarraitzen dutela lanean eta pertsonei beren bizi-proiektuetan laguntzen. Horregatik, hainbat egoiliar eta profesional lagundu ahal izan dituzte beren ibilbidean, bai eta pertsona berriei ongietorria eman ere. Taldeak honako mezu hau helarazi nahi izan du:
“Eskerrak eman nahi dizkiegu Mendialdetik pasa diren pertsona guztiei, bereziki adin txikikoei, protagonistei.”
Hamarkada batek askorako ematen du, eta Apariciok esan duenez, “26 ongietorri eta 20 agur esan dituzte. Baina pertsona guzti-guztiek utzi dute zatitxo bat gure bihotzetan “. Halaber, azpimarratu nahi izan du sarritan beraiek irakasten dietela eta hobetzen laguntzen dietela profesional gisa, baita maila pertsonalean ere. “Urteek aurrera egin ahala, asko ikasten dugu, elkar ikasten.”
Eskerrak
Adingabeetako batek argi dauka zer den berarentzat etxe hau: “Adinekoa naizenean eta Mendialderi buruz galdetzen didatenean, begirale eta lankideen taldeaz gogoratuko naiz, etxe honetan baitaude gehien maite ditudan pertsonetako batzuk”.
Apariciok argi utzi du “istorio, oroitzapen, barre eta malkoen hamarkada” izan dela, eta une gogorrak ere izan direla. Hala ere, positiboarekin geratu da: “Une oso onak egon dira, gure oroimenean geratuko direnak eta beti irribarre bat aterarazten digutenak. Beste 10 urterako! “
ZORIONAK MENDIALDE ETA URTE ASKOTARAKO!!!