APNABIren erabiltzaile diren eta autismoaren espektroaren nahasmena (AEN) duten pertsona talde batek parte hartu du adimen-ezgaitasuna duten pertsonei zuzendutako Plena Inclusión erakundeak antolatutako eztabaida digitaletan. Irailean ‘El poder de las personas’ izenburupean egingo den Estatu mailako topaketaren aurreko hitzorduak dira.
Irudi soziala
Parte hartu duten pertsonak Partaidetza eta Hausnarketa taldeko kide dira. Martxoaren 23ko tertulian hartu zuten hitza, “Gure irudi soziala” izenburupean. Besteak beste, gizarteak adimen-urritasuna duten pertsonei, diskriminazioari eta bizimodu independenteari buruz duen irudiarekin lotutako gaiak landu ziren.
Taldeak aurreko topaketetan landu zituen eztabaidan azalduko ziren gaiak. Bertan beren iritziak, gogoetak eta kezkak azaltzeko aukera izan zuten, eta solasaldian sortu ziren beste gai batzuei buruzko iritzia eman zuten.
🎞 Saioaren bideoa eskuragarri dago hemen
Eztabaidak
Plena Inclusiónek lau eztabaida antolatu ditu otsailean eta martxoan. Horietako bakoitzak ezgaitasun intelektualarekin zerikusia duen gai bat landu du. Irudi sozialari buruz ez ezik, laguntza behar gehien duten pertsonen ekarpenari, atxikimenduari eta gizarteratzeari buruzko hitzaldiak ere egin dira. Saio guztietako bideoak ikusgai daude Plena Inclusioneko saioko Youtube kanalean.