APNABI Autismo Bizkaiak Jardunbide Egokien IV. Sariaren erakunde finalistetako bat izan da, aniztasunaren kudeaketa lehiakortasunerako eta gizarte-kohesiorako faktore gisa ikusarazten eta sustatzen duen saria. Bizkaiko Foru Aldundiak bultzatutako eta Euskalitek koordinatutako jardunaldia ostiral honetan, urriak 17, ospatu da Bilboko Euskalduna Jauregian.
Ekitaldia Kudeaketa Aurreratuaren Europako 31. Astearen barruan kokatzen da, eta Bizkaian ezintasunaren eta autonomia pertsonalaren eremuan kudeaketan dauden ekimen berritzaileenak nabarmentzea du helburu. APNABIk finalista aitorpena partekatu zuen Aspace Bizkaia eta Usoa tailerrarekin. Argia Fundazioari, berriz, jardunbide on onenaren saria eman zioten.
Pertsona guztiontzat eta guztiengatik
APNABIk lan-espazio inklusiboak sortzeko erakundeak duen konpromisoa partekatu zuen “Inklusioa bizi da: pertsona guztiek eta guztientzat diseinatutako lan-ingurunea” hitzaldiaren bidez. Aurkezpena Mireya García erakundeko administrazio zuzendariak eta Álvaro Fernández APNABIko ErrazTEA irisgarritasun kognitiboko taldeko kideak egin zuten.
Biek zehaztu zuten erakundeak irisgarritasun kognitiboko hobekuntza praktikoak ezarri dituela, eta espazio horiek integratzeko ez ezik, aniztasunetik abiatuta ere eraiki dituela. Ikuspegi hori erakundeko profesional guztien parte-hartzean, lidergo partekatuan eta konpromiso irmoan oinarritzen dela nabarmendu zuten.