Bizkaiko Foru Aldundiak martxan du egoitzetan aldi baterako egonaldiak egiteko programa, adimen-desgaitasuna duten eta 18 eta 64 urte bitarteko mendekotasuna duten pertsonentzat diseinatutako oinarrizko laguntza-baliabidea. Ekimenak bi helburu ditu: alde batetik, beharrezko atsedena eskaintzea zaintzaile nagusiei, eta, bestetik, erantzun arin eta eraginkorra ematea familiako larrialdi-egoeretan.
Familiek edo zaintzaileek hainbat arrazoi dituzte programa honetan parte hartzeko, besteak beste:
Atsedena eta arnasgunea: Zaintzaren zama jarraitua arintzeko, zaintzaile nagusiari atsedenaldi bat izateko aukera emanez.
Larrialdiko egoerak: Ustekabeko kasuetan, hala nola zaintzailearen edo zuzeneko beste senide baten heriotza, gaixotasuna edo ospitaleratzea dela eta.
Beste egoera batzuk: Programak beste gertakizun batzuk ere jasotzen ditu, hala nola, etxez aldatzea, ohiko etxebizitzan obra handiak egitea, lan-arrazoi saihestezinak edo beharrezkoak diren laguntzak behar bezala ematea zailtzen edo eragozten duen beste edozein egoera.
Eskakizunak eta eskaera-prozesua
Baliabide hori eskuratu ahal izateko, ezinbestekoa da interesdunak bere mendekotasun-egoera ofizialki baloratuta izatea. Era berean, Bizkaiko Foru Aldundiak ezartzen du eskabideak gutxienez bi hilabete lehenago aurkeztu behar direla, eta gehienez 6 hilabete lehenago, nahi den sarrera-datarekin alderatuta, plazen plangintza eta esleipen egokia bermatzeko.
APNABI Autismo Bizkaia elkarteak, Familiei Laguntzeko zerbitzuaren eta gizarte-laneko taldearen bitartez, aholkularitza- eta laguntza-zerbitzu bat eskaintzen die eskabidea hasteko interesa duten familia guztiei, beharrezko informazio eta laguntza guztia izango dutela bermatuz. Informazio gehiago nahi izanez gero, deitu 944 75 57 04 telefono zenbakira edo idatzi gaitzazu gizarte@apnabi.eus helbidera.