Bizkaiko hondartzak irisgarriago bihurtu dira APNABIko bazkideentzat, Bizkaiko Foru Aldundiaren Bainu Lagunduaren zerbitzuari esker

Bizkaiko Foru Aldundiak eskaintzen duen Bainu Lagunduaren zerbitzuari esker, APNABI Autismo Bizkaia elkartearen Sortu eta Lurgorri Eguneko Arreta Zentroetako 11 pertsonak aukera izan dute uda honetan Mundaka, Lekeitio eta Gorlizko hondartzetan murgiltzeko, freskatzeko eta itsasoaz gozatzeko, udako jardueren egutegiari beste esperientzia bat gehituz.

Irisgarritasuneko foru zerbitzu honek langile kualifikatu propioak eta egokitutako material teknikoa ditu, hala nola aulki anfibioak, makuluak eta itzalgune erreserbatuak. Horri esker, parte-hartzaileek segurtasun, erosotasun eta ongizate osoz gozatu ahal izan dute uraz.

APNABIk Bizkaiko Foru Aldundiaren eta Mundaka, Lekeitio eta Gorlizko hondartzetako sorospen eta laguntza teknikoko taldeen lana eskertu nahi du. Bere lan koordinatuari esker, udako jardunaldi hauek benetako inklusio-arrakasta bihurtu dira.

Comments are closed.