![](https://www.apnabi.eus/wp-content/uploads/2023/10/Imagen-de-WhatsApp-2023-10-26-a-las-09.02.50_5cd59087-edited-1024x768.jpg)
APNABI Autismo Bizkaiak urrian eman dio hasiera familiei laguntzeko bi programaren ikasturte berriari: guraso-taldeak eta anai-arreben topaketak. Lehenengoak urriaren 7an eta 21ean egin zituen hitzorduak, eta bigarrenak hilaren 20an, ostiralean.
Guraso-taldeak hainbat denboralditan ospatzen dira. APNABIko kide diren familien artean konexio-sareak sortzea bilatzen duten topaketak dira, non beren semearen edo alabaren bizi-prozesuari buruzko sentimenduak, esperientziak eta kezka komunak azaldu eta parteka ditzaketen. Bi talde sortu dira: bata 18 urtetik beherako pertsonen familientzat eta bestea adin nagusikoentzat. Horietako bakoitzak 5 hitzordu izango ditu ekainera arte, eta hainbat gai jorratuko dituzte.
Anai-arrebak
Anai-arreben topaketak, bestalde, espazio eroso bat sortzera bideratutako saioak dira, AENa duen pertsona batekin anai-arreben arteko harremanarekin lotutako esperientziak partekatzeko. Horrela, anaiaren edo arrebaren bizitzan duen rola betetzen eta garapen positiboa lortzen lagundu nahi da.
![](https://www.apnabi.eus/wp-content/uploads/2023/10/Imagen-de-WhatsApp-2023-10-07-a-las-11.22.20_c0191609-edited-1024x768.jpg)
Lehen hitzordua joan den ostiralean izan zen, urriak 20, eta Ana Apika kontalari, aktore eta clown-ak 6 eta 10 urte bitarteko adingabeentzat egindako ipuin-saioa izan zen. Ildo beretik, APNABIk hainbat tailer, jarduera eta hitzaldi egingo ditu ekainera arte, eta parte-hartzaileen adinaren arabera antolatuko dira.