APNABI Autismo Bizkaiak guraso-taldearen lehen saioa eskaini zuen joan den larunbatean, martxoaren 13an. Topaketa horretan emozioen kudeaketari buruz eztabaidatu eta hausnartu zuten. Hitzordua presentzialki egin zen Iralabarriko Eguneko Arreta Zentroko (EAZ) aretoan Bilbon, COVID-19aren aurka indarrean dauden segurtasun neurri guztiak errespetatuz.
Parte hartu zuten familiek oso positiboki baloratu zuten hitzordua, beste familia batzuekin esperientziak partekatzeko eta, kasu honetan, kudeaketa emozionalari buruz hausnartzeko aukera izan zuten eta. Saio horretan, Suspergintzaren psikologian lizentziatutako Laura Ruizen laguntza izan zuten, eta, hitzaldi formatuan ez ezik, talde-dinamiken bidez ere landu zen. Familiek beren esperientziez hitz egiteko aprobetxatu zuten. Hurrengo topaketa apirilaren 24an izango da, larunbata.
Guraso-taldeak
Hitzordu hauetan parte hartzen duten pertsonak autismoaren espektroaren nahasmena (AEN) duten pertsonen gurasoak dira. Pertsona horiek APNABIko guraso talde egonkorretakoak dira, eta aldizka biltzen dira esperientziak partekatzeko eta haien ezagutza areagotzeko. Kanpoko profesionalek maiz hartzen dute parte hitzaldietan, APNABIko familiei laguntzeko lantaldeaz gain.
Topaketa horien helburua beste familia batzuekin espazio bat sortzea da, esperientzia pertsonalak partekatu eta erakundeko beste familia batzuekin pertsonen arteko harremanak sortu ahal izateko. Horrela, giro lasaia sortzen da, eguneroko bizitza guraso gisa partekatzeko. Talde horiei buruzko informazio gehiago lortzeko, idatzi daiteke familia@apnabi.org helbidera.