Joan den uztailaren 12an, ostirala, amaitu zen APNABI Lan Sailak Lanberri programaren bidez garatu duen lan-gaikuntzarako ikastaroaren azken promozioa. Ekimen honek oinarrizko prestakuntza eskaintzen du arte grafikoen adar profesionalean, gizarteratzea eta laneratzea bultzatzeko azken helburuarekin.
馃摳 Taldearen argazki albuma ikus dezakezu esteka honetan.
Ekimen honek irauten duen hainbat asteetan, ikasleek prestakuntza teoriko-praktikoa egiten dute Deustuko Unibertsitatearen eta APNABI Lan zentro okupazionalaren artean. Erreprografiaren adarraren alderdi zehatzak ikasteaz gain, lan-orientazioa jasotzen dute, eta berdintasun-alderdiak eta laneratzeko beharrezko tresnak lantzen dira.
Azken edizio hau 2024ko martxoaren 4an hasi zen. 9 lagunek hartu dute parte (zortzi gizon eta emakume bat), eta guztiek adierazi dute oso pozik daudela (95/100). Diploma banaketa irailaren 20an, ostirala, izango da, 2023-2024 ikasturteko bi promozioetarako. Halaber, hurrengo edizioetako ikasleei ongietorria emango zaie.
Izen-emateak
Informazio gehiago jaso ahal izango da edo 2024-2025 ikasturteko hurrengo edizioetan parte hartzeko interesa adierazi ahal izango da lan@apnabi.eus helbidera idatziz.
Lanberri
Prestakuntza ekimen hau Bizkaiko Foru Aldundiko Enplegu, Gizarte Kohesio eta Berdintasun Sailari esker posible da. Lan Berri gazte langabeen enplegagarritasuna sustatzeko programaren bidez garatzen da, eta lurralde-erakundeak bizitza duin eta osoa garatzeko zailtasun handienak dituzten pertsonen enplegua eta lan-gaitasunak bultzatzeko eta sustatzeko duen konpromisoari erantzuten dio.