Sondika APNABI Autismo Bizkaia elkartearekin batu da San Joan jaietan. Joan den igandean, ekainak 21, herriko bazkari solidario jendetsua egin zen jaien guneko karpan. Bazkari horren diru-bilketa elkartearen lana babesteko eta autismoa duten pertsonen errealitatea ikusarazteko erabili da oso-osorik.
Egitasmo hori Sondikako Udalak bultzatu zuen, BISUBI Bizkaiko Sukaldarien Bilkura Fundazioarekin lankidetzan. Irabazi-asmorik gabeko erakunde horrek lurraldeko sukaldaritzako profesionalak biltzen ditu, eta gastronomia-eremu hutsa gainditu eta gizartea sentsibilizatzeko jardunaldi bihurtu zen.
Topaketan APNABIko bazkideek borondatez lan egin zuten, eta autismoaren errealitatea udalerriko bizilagunei hurbiltzea ahalbidetu zuen, enpatia sustatuz eta kolektiboaren parte-hartze komunitario osoa bermatuko duten ingurune irisgarriak eraikitzeko beharra azpimarratuz.
Sukaldaritza-proposamenak, BISUBI Fundazioko sukaldarien ikuspegi tradizionalarekin koordinatuak eta landuak, honako hauek barne hartu zituen: entsalada, Errioxako patatak lapikoan sukaldatuta, porrusaldab eganoaren aukera eta karolina enblematikoa postre gisa.
Egin klik hemen ekitaldiaren laburpen-bideoa ikusteko
Protagonistak inaugurazio-pregoian
APNABIren eta Sondikaren arteko lankidetzak ere mugarri historikoa izan zuten jaien hasieran. Joan den ostiralean, ekainak 19, elkarteak inguruan dituen etxebizitzetan bizi diren pertsonek inauguratu zituzten San Joan jaiak.
Kide guztien ordezkari gisa, Iñigo arduratu zen ospakizunei hasiera ofiziala eman zieten hitzak adierazteaz. Autismoa duten pertsonek bizitza komunitarioan egindako ekarpenaren aitorpen esplizitua egin zuen, eta Sondikak gizarte-eredu anitzago eta integratzaileago baterako duen konpromisoa indartu zuen.