APNABIk bere arreta psikologikoan berrikuntzak egitea aztertzen ari da tresna digital baten bitartez

APNABIren kontsulta arloak funtzio exekutiboak optimizatzeko programaren aldi berri bati ekingo dio urrian, eta tresna digital berritzaile bat erabiliz egingo du. Eguneroko bizitzaren eta haren egitekoen planifikazioa eremu klinikotik lantzea du helburu ekimenak.

Fase pilotu horretan –ekainean amaituko da– AENdun 10 adingabek hartuko dute parte. Saio presentzialak eta urrunekoak txandakatuko dira NeuronUp aplikazio digitala erabiliz, denak banakakoak. Sheila López Almeida APNABIko neuropsikologoak gidatuko du programa, eta Deustuko Unibertsitateko psikologia orokor sanitarioari eta neuropsikologiari buruzko master bikoitzarekin lankidetzan egingo den azterlan bati lagunduko dio.

Comentarios cerrados.