Bizkaiko Kirol Egokituaren Federazioarekin eta Bizkaiko Foru Aldundiarekin lankidetza berrian, APNABI Autismo Bizkaiak bere bazkideei kirol jardunaldi batzuetan parte hartzeko aukera luzatu die. Ekitaldiak 2025eko otsailaren 15ean eta 22an egingo dira. Lehenengoan pala, euskal pilota eta herri kirolak izango dira ardatz, eta bigarrena eskaladan hasteko saio bat izango da.
Otsailaren 15eko ekitaldia, larunbatean, Bilboko Esperanza pilotalekuan egingo da. 10:00etatik 12:00etara, parte-hartzaileek pala eta euskal pilota praktikatzeko eta kirol tradizional honi buruz gehiago ezagutzeko aukera izango dute. 12:30etik 14:00etara, Herri Kirolen saioa izango da, non euskal kirol tradizionaletako hainbat modalitatetan parte hartu ahal izango den.
Otsailaren 22an, larunbatean ere, jardunaldia eskaladan zentratuko da. Biwakek bere ateak irekiko ditu Derioko zentroan goiz osoan zehar luzatuko den hastapen-saioa egiteko.
Bi saioak doakoak dira eta edozein adin eta desgaitasuneko pertsonentzat irekiak. Hala ere, plazak mugatuak dira, eta aldez aurretik izena ematea ezinbestekoa izango da.
Parte hartu
Proposamen hauetako batean izena emateko edo informazio gehiago jasotzeko, interesdunek APNABIko aisialdi eta denbora libreko taldearekin harremanetan jarri beharko dute, aisialdia@apnabi.eus helbidera idatziz edo 94 447 14 17 telefonora deituz (astelehenetik ostiralera, 9:00etatik 16:00etara). APNABIk interesdunen datuak federazioari helaraziko dizkio, eskaera kudeatzeko eta jarduerari lotutako beste kontu batzuk antolatzeko.