Ekainaren 8an, larunbata, APNABI Autismo Bizkaia elkartearen Iralabarriko zentroan elkartu ziren elkarteko gurasoentzako bi laguntza-taldeak. 2023-2024 denboraldia ebaluatzeko eta ixteko saio bateratu batean egin zuten. Urrian hasi zen, eta 10 topaketa tematikok osatzen dute (bost talde bakoitzeko). Familien arteko konexio-sareak sortzeko diseinatzen dira topaketa horiek.
→ Topaketa honen argazkiak ikus ditzakezu esteka honetan.
Balantze positiboa
Azken denboraldi honetako topaketetan landu dituzten gaietako batzuk honako hauek izan dira: oporraldien osteko errutinara itzultzea, ikasturtearen hasiera eta bertan gerta daitezkeen egoerei aurre egitea, familian sartu berriak nola bizi ditugun eta dolua, ospakizunen prestaketa eta bizipena edo eremu publikoko bizitza. Parte hartu duten gurasoek -93 familiak eman zuten izena denboraldi horretan- autismoz azaldu eta partekatu ahal izan dituzte saio horietako bakoitzean beren semearen edo alabaren bizi-prozesuari buruzko sentimendu, esperientzia eta kezka komunak. APNABIko familiei laguntzeko talde profesionalaren eta elkarteko zuzendaritza-batzordeko kideen laguntza izan dute beti.
Itxierako azken saio horretan 50 pertsona elkartu ziren, eta, beste ebaluazio-dinamika batzuen artean, hainbat hitz bota zituzten esperientziak eman ziena definitzeko. ‘Babesa’, ‘konfiantza’, ‘esperientziak’ eta ‘itxaropena’ izan ziren gehien errepikatu ziren terminoetako batzuk.
Udaren ostean, 2024-2025 denboraldian familiei laguntzeko programa honetan parte hartzeko izena emateko epe berri bat irekiko da.