Aurten, APNABI Autismo Bizkaiak Ondarearen Europako Jardunaldietan parte hartuko du. Jardunaldi horiek, oraingoan, irisgarritasuna eta inklusioa izango dute izpide, “Guztion ondarea, denok parte!” izenburupean. Horrela, elkarteak bat egingo du Bizkaiko Foru Aldundiak koordinatzen duen edizio honetako programazioan parte hartzen duten 50 udalerri eta ehun erakunde eta entitate kulturalekin.
Urduñako Turismo Bulegoarekin eta Udalarekin burututako lankidetza estuari esker, APNABI aisialdi programen erabiltzaileek bisita gidatu irisgarri batean hartuko dute parte larunbatean, urriaren 23an. Bizkaiko hiri bakarra den horrek duela gutxi hainbat baliabide sartu ditu turismo-totemetan informazio eskuragarria eskaintzeko. Hori bereziki zuzenduta dago ikusmen-, adimen- edo entzumen-zailtasunak dituzten pertsonek udalerriko kultura- eta natura-ondare aberatsaz gozatzeko aukera izan dezaten.
Familian parte hartzea
Publiko orokorrak ere parte hartu ahal izango du bisita horietan. Jardunaldi horretan, urriaren 23an, bi hitzordu izango dira Urduñan: 11:00etan eta 13:00etan, biak euskaraz eta gaztelaniaz. Informazio gehiago nahi izanez gero, egin klik hemen. Izena emateko Urduñako Turismo Bulegora jo behar da, 94 538 43 84 telefonora deituz edo turismo@urduna.com helbidera idatziz.
Beste jarduera batzuk, beste udalerri batzuk
Ondarearen Europako Jardunaldien programazioaren barruan, beste hainbat jarduera antolatzen dira Bizkaiko beste udalerri batzuetan. Informazio gehiago nahi izanez gero, jo ekimenaren webgunera, egin klik hemen, edo deskargatu dokumentua gida osoarekin, egin klik hemen.