APNABI Autismo Bizkaiak dagoeneko aurkeztu du 2022ko udako hilabeteetarako aisialdiko eta denbora libreko jardueren eskaintza zabala. Aurten ere, elkarteak oporretako txandak eskainiko ditu, gaua pasatuz, eta txango eta planetako asteak, gaua kanpoan igaro gabe. Bi programak bateragarriak dira eta autismoa duten 7 urtetik gorako eta 4 urtetik gorako pertsonentzat dira, hurrenez hurren.
Oporretako txandak 6 gau eta 7 egunekoak dira, besteak beste, Larderon (Errioxa), Lekeition (Bizkaia), Iru帽ean (Nafarroa), Arrigorriagan (Bizkaia) edo Gipuzkoan. Hainbat data eskaintzen dira ekaina eta abuztua bitartean. Planen asteek, bestalde, itsasertzeko mendi-ibilaldiak, turismoko, kulturako edo zientziako bisitak, gastronomiako edo naturako planak eta hondartzako edo uretako parkeetako jardunaldiak biltzen dituzte.
馃挦 Eskaintzaren liburuxka kontsulta dezakezu esteka honetan
Eman izena!
Parte hartzeko eskabideak aurkezteko epea martxoaren 13an, igandean, amaituko da. Hala konfiguratuta duten familia elkartuek posta arruntaren bidez jasoko dute eskabidea paperean formalizatzeko inskripzio-orria.
馃摑 Eskabidea egiteko formularioa eskuragarri dago esteka honetan.
APNABIren aisialdi arloa
Udako jardueren helburua da parte hartzen duten pertsonek aisialdi aberasgarriaz gozatzea, ohikoak ez diren giroetan. Horrela, berdinekin gizarte-harremanak garatzen lagundu nahi da, bai eta komunitatean sartzen ere, helmuga eta jarduera bakoitzean ingurune hurbileko baliabideak erabiliz. Ekipoa eskuragarri dago zalantzak argitzeko edo informazioa zabaltzeko aisialdia@apnabi.org helbidean edo telefonoz 94 447 14 17 zenbakian astelehenetik ostiralera 9: 00etatik 16: 00etara.