APNABI Autismo Bizkaiak hitzarmen bana sinatu du Leioako eta Bermeoko Udalekin eta Durangoko Jesuiten ikastetxearekin, udako zenbait jardueratan instalazioak erabiltzeko.
Hala, Leioako Mendibile eskola publikoko gela batzuk, Bermeoko eskolako eta Durangoko ikastetxeko gune batzuk erabiltzen ari da elkartea uztailean eta abuztuan. Horri esker, APNABIk udalerri horietako familiei eta AEN duten pertsonei udako erantzun hurbilagoa eman die beren etxe eta ohiko inguruneetatik. Hori udaleku irekien programaren bidez garatu da, Familiei Laguntzeko elkarteko arloak bultzatuta, neska-mutil talde txikientzat.
Prozesuan hiru erakundeek erakutsi duten “jarrera ona” nabarmendu du lantaldeak, eta AEN kolektiboari erakutsitako eskuzabaltasuna “eskertu” nahi du.