Bi ikasle, saioaren momentu batean. // APNABI
APNABIko Aldamiz ikastetxeko ikasleek zibersegurtasuneko prestakuntza-saio batean parte hartu zuten joan den urriaren 16an, ikastetxea garatzen ari den AENdun pertsonentzako hezkuntza digital seguruaren proiektuaren barruan.
Formatu digitalean egin den prestakuntzan, Aldamizeko Deustu, Txurdinaga, Ortuella eta Durangoko lau ikastetxeetako gaitasun digitalak dituzten ikasle guztiek hartu dute parte. Gaptain hezkuntza eta segurtasun digitalean espezializatutako enpresako profesionalek dinamizatu dute.
Ikasleek egiten duten Interneten eta sare sozialen erabilera partekatu dute, eta aplikazio, joko eta plataformen inguruan dituzten gustuak eta interesak azaldu dituzte. Saio arina, parte-hartzailea eta hezigarria egin da, teknologia berriak modu seguruan erabiltzeko jarraibideak ezartzeko.
Hezkuntza digital seguruari buruzko proiektu honen bidez, egoera hainbat hezkuntza-eragileren bidez aztertu nahi da hezkuntza- eta prestakuntza-estrategiak diseinatzeko, ikasleei IKTak modu arduratsu eta seguruan erabiltzeko tresnak emateko