Leire Indurainekin eta David Fernandezekin batera, Lo Imposible sarien desafioan parte hartuko du, 2023ko lurrikarak kaltetutako pertsonei material humanitarioa emateko.
Ivan Dario Henaok, autismoa duen gaztea eta APNABI Autismo Bizkaia elkarteko bazkideak, martxoaren 16an Marokoko Atlas mendikaterako bidea hartuko du, Urbegi Fundazioaren eta Orbearen eskutik, mendiak bizikletaz zeharkatzeko eta 2023ko lurrikarak kaltetutako pertsonentzako material humanitarioa emateko. Erronka hori “Lo imposible” sarien barruan kokatzen da. Sari horiek urtero aintzatetsi eta balioetsi nahi dituzte, gainditzeko espirituarekin, laneratzea lortu duten pertsonen ibilbideak. Ivan Dariorekin batera 2023ko edizioan sarituak izan ziren beste bi pertsonek ere parte hartuko dute desafioan. Leire Indurain, garun-paralisi espastikoarekin jaio zen eta Aspaceko bazkidea da, eta David Fernández, Bizitegi bazterketaren aurkako elkarteko bazkidea.
Ivan Dario Henao kolonbiarra da jatorriz, eta autismoa diagnostikatu zioten 17 urterekin. APNABIn hasi zen eguneko zentro batean, eta bere trebetasun sozial eta pertsonalak hobetu zituen elkartearen zentro okupazionalean. Ondoren, Lanbide Heziketan sartu zen, eta azkenik, lan-esparruan, praktiken bidez. Pandemia hasierarekin batera, atezain gisa sartu zen Zorrotzaurreko IMQ klinikan, beldurrak eta zailtasunak gaindituta. Hori guztia bere gainditzeko espirituari eta APNABIren babesari esker izan zen posible, batez ere APNABI LANen taldeari esker.
Dariok badaki “esperientzia paregabea” biziko duela, eta oso eskertuta dago horregatik. “Eskerrik asko Urbegiri, Lo Imposible sariak sortzeagatik eta baita APNABIri ere, nire historia ezagutarazteagatik eta gainditzeko erreferente bat izateagatik” dio. Hitz onak ditu IMQ Zorrotzaurrerentzat ere “urte guzti hauetan eman didaten babesagatik eta eman didaten guztiagatik, maitasunagatik eta arretagatik.”
Ivan Dario prest dago Urbegik eta Orbeak proposatutako erronkari aurre egiteko: “Ia egunero joan naiz gimnasiora, eta azken hilabeteetan nire prestatzailearekin atera naiz bizikletan ibiltzera, etapa batzuk besteak baino konplexuagoak. Gainera, nire kabuz bizikleta erabili dut lanera joateko garraio gisa, niregain ere joan naiz entrenatzera, eta abar. Uste du zailtasun nagusia desberdintasun kulturala eta atsedena izango direla: “Herrialde guztiz ezezaguna da niretzat, eta ez dakit zer aurkituko dudan. Kosta egingo zait loak hartzea, egunero leku desberdin batean lo egin behar dudalako, eta are gehiago nire etxea ez delako. “
Film-dokumentala
Erronkan zehar, film-dokumental bat gratuko dute, pasadan otsailaren 22an Urbegik aurkeztu zuena bezalakoa, azken honetan Javier López Pagazaurtunduk, garun-paralisia duen bizkaitarra,Alex Txikon alpinista profesionalarekin batera Everesteko Oinarrizko Eremura (5.364 metro) iristen ikusi dezakegu.
→ Esteka honen bidez, Urbegi Fundazioak Ivan Dario 2023 Lo imposible sarien galan aurkezteko egindako bideoa ikus daiteke.