Baliabide interesgarriak argitaratu ditu APNABIk AENdun pertsonekin alarma-egoera lantzeko

Apnabi Autismo Bizkaiak #APNABIetxean kanpaina hasi du, koronabirusaren alarma-egoeragatik konfinamenduan dauden familiei eta AEN duten pertsonei laguntzeko. Elkarteko familien beharrei erantzuten jarraitzeko erakundeak aktibatu duen dispositibo berezi zabalaren osagarri gisa sortu da ekimena, eta egun hauetan sareetan zehar dabiltzan beste elkartasun-ekimen batzuekin bat egin du.

#APNABIetxean kanpainak elkarteko profesionalek landu edo egokitutako material interesgarriak eskaintzen ditu. APNABIren web orriko atal honetan kontsulta daitezke. Badira osasun-alerta azaltzeko edo tratatzeko erraz irakurtzen diren dokumentuak, baita koronabirusak kutsa ez daitezen hartu beharreko neurriak ere. Etxean egin eta familian gozatzeko ariketen edo eskulanen ideia batzuk ere jasotzen dira.

Sare sozialak
Era berean, APNABI Autismo Bizkaia bere sare sozialetan familiek bidaltzen dituzten argazkiak eta bideoak partekatzen ari da, baita ere elkarteko talde profesionalek erakunde horren etxeetan egiten ari direnak, konfinamendu-egun horiek nola igarotzen dituzten eta zer jarduera egiten diren erakusteko.
Pertsonak koronabirusaren kurba geldiarazteko konfinamendua errespetatzera animatzeaz gain, kanpainak elkartasunera jo nahi du, neurri hori pertsona guztiengana eramateko, baina, bereziki, autismoaren espektroaren nahasteak dituztenengana.

Comentarios cerrados.