Aurten, lehen aldiz, Eusko Jaurlaritzak «Hauteskunde-mahaiak osatzen dituzten pertsonentzako jarraibideen eskuliburuaren» bi bertsio argitaratuko ditu, horietako bat irakurketa errazean, euskaraz eta gaztelaniaz. APNABI Autismo Bizkaiako ErrazTEA irisgarritasun kognitiboko talde adituarekin elkarlanean egin dute.
Herritar guztien autonomia eta irisgarritasuna zaintzeko diseinatutako dokumentua da. Desgaitasun intelektuala duten pertsonen inklusioan aurrera egitea du helburu, eta, horretarako, legegintza-hizkera, batzuetan ulertezina, publiko guztiei egokitu zaie, baina zuzentasuna galdu gabe. Nolanahi ere, adimen-desgaitasuna duten pertsonei mesede egiten dien neurria da, baina baita ulertzeko bestelako zailtasunak, hizkuntza edo kognitiboak dituzten pertsonei ere.
Gainera, eskuliburu horiek laguntzeko, Eusko Jaurlaritzak 5 minutuko dibulgazio-bideo bat egin du, apirilaren 21ean Euskadiko hauteskunde-mahai bateko kide izatea egokitzen zaien pertsonentzako jarraibide nagusiak laburbiltzen dituena. Bi hizkuntzetan eskuragarri dago.
Irakurketa erraza eta ErrazTEA.
Irakurketa erraza egokitzapen-teknika espezifikoa da, eta edukia errazago irakurri eta ulertzea ahalbidetzen du. Testua ez ezik, ilustrazioak eta maketazioa ere hartzen ditu bere baitan. ErrazTEA APNABIren irisgarritasun kognitiboko talde aditua da, eta Euskadin desgaitasun intelektuala eta/edo autismoa duten eta lantaldean prestakuntza ziurtatua duten profesionalak dituen lehen erakunde bakarra da, bai egokitzeko, bai baliozkotzeko.
Lan horretarako, Espainiako Barne Ministerioaren hauteskunde-mahaien eskuliburutik abiatu da. Eskuliburu horrek ErrazTEA euskaratu zuen 2023an, Irisgarritasun Kognitiboaren Espainiako Zentroarekin (CEACOG) lankidetzan.