Euskadiko Bide, Kanal eta Portuetako Ingeniarien Elkargoak, Caminos Euskadi, APNABI Autismo Bizkaiaren laguntza izan du irisgarritasun kognitiboari buruzko mintegi bat emateko, irisgarritasun unibertsalari buruzko ikastaroaren esparruan. Prestakuntza-proposamen hori urrian hasi zen eta martxoan amaituko da.
Horrela, Esther Fernández-Valtierra APNABIko aisialdi eta denbora libreko zuzendariak mintegi bat eman zuen otsailaren 1ean, asteartea, formatu birtualean. Bertan, irisgarritasun kognitiboa hobetzeko elkartearen lankidetza-esperientzia batzuk partekatu zituen, bereziki kultura-baliabideetan izandakoak parte hartzeko taldeen bidez.
Izan ere, duela gutxi, APNABI eta TEA erabiltzaileak elkarlanean aritu dira Bizkaiko eta inguruko erakunde, enpresa eta baliabide kultural askoren espazioak hobetzeko: Bilbao Bizkaia Museoak, Bilbobus, Lekeitioko itsasargia, Iruña Okako lorategi botanikoa, Urduñako zentro historikorako bisita gidatuak, Getxoko parke bioosasungarriak, Bilboko Udalaren zerbitzuak, eta gehiago.
Horrek guztiak erakusten du gero eta gehiago direla irisgarritasunaren garrantzia ulertzen duten baliabideak eta erakundeak, eta beren espazioak inklusiboago bihurtzeko lan egiten dutela, pertsona guztiek horietaz gozatzeko aukera izan dezaten. Caminos Euskadiren kasuan, baita diseinu beretik ere. Gainera, aukera berri bat izan da AENdun pertsonen kolektiboa eta haien beharrak ikusarazteko, baita APNABIk egiten duen lana ere.